話說一個月前 (10月7日) , 我們帶了三姐弟做身體檢查, 測試項目包括紅,白血球, 血紅素, 血小板, 氨基丙酸轉氨脢, 血中尿素氨, 血清肌酸, 血糖, 蛋白等, 醫生為她們作了簡單的身體檢查後, 便開始幫她們抽血, 醫生當日下晝已經致電我們通知檢驗結果, 所有測試水平合乎標準, 唯獨肝酵素超出水平, 正常指數是 : 10-118, 她們超出2至3倍.
醫生診斷, 她們三個都同時超出水平, 而且不是同胎生, 因此應不會涉及遺傳因素, 加上年紀頗輕, 身體狀況又良好 (食得,玩得又瞓得) 認為她們患肝病的機會亦偏低, 醫生解釋肝酵素高, 其中一個原因是環境因素引致, 因此醫生建議先暫停她們所有零食及用清水抹地, 一個月後再回診所抽血檢查.
這段期間, 三姐弟都非常合作, 我們除了每天一餐乾糧及每星期一餐烚雞肉外, 已沒有額外零食, 她們因此學懂珍惜食物, 每天會於限時內吃光碗內的乾糧, 這也是我們期望見到的.
終於一個月後, 壽壽及悠悠的肝酵素驗血結果已回復正常水平了, 不過灰灰還未達標呢, 醫生估計因為灰灰之前患上氣管敏感 並曾吃過藥物, 會有機會影響測試結果, 因此灰灰需要再觀察並下個月回診所覆檢!!!
咁會唔會係零食唔啱問題~
回覆刪除[壽壽, 悠悠, 灰灰回覆11/08/2011 10:08:10]醫生建議選擇純天然的的小食, 家居清潔用品也要小心處理
在語言不通情況下,,, 作為父母ge 我地, 真係要時時刻刻留意住佢地.. 仲要有適當ge 忍心.
回覆刪除[壽壽, 悠悠, 灰灰回覆11/08/2011 10:12:57]係, 佢地真係完全無徵狀, 如果唔係帶佢地做一次body check, 都唔知道有問題.... 其實我地都唔係俾好多零食, 我覺得問題係出在我用的清潔劑上........
呀, 咁快要body check 啦..做一個body check 要幾錢到呀?
回覆刪除乜清潔劑會影響肝酵素架? 你地用乜清潔劑架?
[SuetSuets回覆11/09/2011 11:23:27]好彩有去檢查, 可以及中知道.....我都係用寵物店既清潔济洗地, 你哋之前用咩牌子? 等我可以防氾一下!
[壽壽, 悠悠, 灰灰回覆11/08/2011 10:50:58]佢地年紀細, 所以可以做半檢, 每個$620, 肝酵素高有好多原因, 除了真係患左肝病, 醫生認為, 無理由三個咁細一齊都有肝病, 而且佢地唔係同胎, 又食得又玩得, 所以推斷係環境因素, 我地用動物診所專用的清潔劑抹地, 我每日都會抹一次地, 而且暫時改用清水!!!
有時都好驚佢o地唔舒服o架！佢o地又唔識同我o地講，我o地又唔識聽佢o地講...
回覆刪除[壽壽, 悠悠, 灰灰回覆11/08/2011 13:34:14]所以要經常留意佢地行為舉動，越早發覺越好!!
肝酵素係肝嘅功能健康指數，好多因素包括藥物、環境因素都會影響結果，唔使太擔心。照醫生建議，留意家居環境，飲食控制得宜，定期檢查就是。平日多留意小狗行為，多少會見到端倪，你三個小朋友咁年輕，又活潑，放心喇。不過，零食真係唔可以畀太多，因為成份不明，天然食物最安全。狗狗健康，家長開心，祝灰灰早日康復。
回覆刪除[壽壽, 悠悠, 灰灰回覆11/08/2011 13:38:58]多謝小寶ee對我地一家關懷及安慰，我會謹記 （＠＿＠）
我有好多朋友隻狗狗都係肝酵素高 , 只要留言一吓零食同家居清潔 , 灰灰好快就會復水平呢 ~!!
回覆刪除[壽壽, 悠悠, 灰灰回覆11/08/2011 14:13:26]灰灰 : 圓咕碌ee, 我都有叫我mama唔好俾自己太大壓力，人地出到去玩，有其他ee俾野我地食，mama 離遠已經鬼殺咁大叫"NO" , 不過我都希望下次驗血無事啦.......多謝ee關心我呢 (^0^)
我估三水仔都會有問題喇, 要快 d 去 check check 時, 但又想食埋屋企 d 存貨先 :p
回覆刪除[壽壽, 悠悠, 灰灰回覆11/08/2011 15:49:41]三水仔 : mama我唔去驗血，痛痛呀!!!!
暫停所有零食??? 天呀, 咁若果變番正常, 仲可以回歸食...零食的日子嗎?
回覆刪除[壽壽, 悠悠, 灰灰回覆11/08/2011 16:51:17]灰灰: mama話唔好食咁多添加劑野, 佢話白烚d雞肉當零食俾我地wor
毛之家日日都食雞肉、菜加乾糧，我用漂白水抺地ka，唔知會唔會有問題呢~~~
回覆刪除[壽壽, 悠悠, 灰灰回覆11/08/2011 22:35:59]我地用動物診所專用的清潔劑, 停用一個月及停零食後, 壽壽同悠悠的指數已回復水平!!
有時我地想揀純天然既小食，其寶都好難決擇，都唔知邊ｄ係真既
回覆刪除[壽壽, 悠悠, 灰灰回覆11/09/2011 09:23:02]所以如果零食係home made就最好, 一定無添加劑~
乜原來零食同清潔劑係有機會令佢哋肝酵素出現問題架....擔心ing...希望灰灰都快d冇事啦....
回覆刪除[壽壽, 悠悠, 灰灰回覆11/09/2011 17:45:40]此乃其中一個因素導致肝酵素高!!
壽壽, 悠悠, 灰灰媽咪 : 謝謝妳的回覆!
回覆刪除Monica
[壽壽, 悠悠, 灰灰回覆11/10/2011 14:32:33]不用客氣^^
點解心血來潮做body check嘅？有唔舒服咩？不過好彩發現得早，及時改正唔使到出事先去醫！祝灰灰早日達標完全康復！
回覆刪除[壽壽, 悠悠, 灰灰回覆11/11/2011 09:30:12]係呀, 心血來潮同佢地body check, 腍住如果身體有咩毛病, 都可以及早 診斷!! 多謝乖乖mami 慰問~
如果係外在的因素真係好難制止, 只有時時刻刻留意住..我以前都用狗狗清潔劑, 不過自從OBASHI 皮膚唔好之後， 我都只係用清水拖地， 之後係Ｄ角位噴狗狗跳蚤水。。ＨＡＨＡ
回覆刪除[Gi-Cha回覆11/21/2011 23:26:56]皮膚痕癢. 成日都"R"同咬到出血水..3月開始Keep住睇都唔好. 又冇菌, 都唔知咩事.
[壽壽, 悠悠, 灰灰回覆11/21/2011 20:59:34]OBASHI 皮膚有咩問題呀???
Sorfu做咗body check，又係肝酵素高少少，不過醫生話可能因為Sorfu的supplement影響wor
回覆刪除[壽壽, 悠悠, 灰灰回覆11/22/2011 10:19:18]咁暫時唔好俾supplement佢食喇!
灰灰去睇醫生都咁開心既?
回覆刪除[壽壽, 悠悠, 灰灰回覆11/22/2011 18:14:10]因為D醫院姐姐每次見到佢, 都會抱佢周圍去, 又去手術室, 又去診証室, 所以佢每次都好開心~
梳乎B都係ALT高呀, 我地覺得係糧o既問題, 因為佢以前食o既糧蛋白質無咁高, 最近一個月轉o左糧就出事喇, 唔知關唔關事
回覆刪除[壽壽, 悠悠, 灰灰回覆11/24/2011 09:24:22]佢地食開 oven baked, 醫生叫我地唔使轉糧, 剩係叫我地戒零食同唔好用清潔劑抹地, 一個月後再驗, 已經回復水平!! 梳乎食邊隻糧?