11月26日 (星期六)
Dr Pet 探訪完畢, 我地就去左彭福, 因為我地約左三水仔, 菲比同Dr. 布布呀
第一次見菲比, 比我想象中更活潑
, 佢見到baba仲不斷吠佢
, 菲比媽話, 佢對男性有一種抗拒
, 不過熟絡之後, 就沒有再吠了, 原來菲比係第一次黎彭福玩,
佢仲好乖, 唔會跑到好遠, mama一叫佢就會返回mama身邊呢
! 多謝各位mama帶左好多食物黎呀
, 有蘋果, 雞蛋, 牛奶, 雞肉. 牛肝, 餅餅呀, 哈哈, 益哂我地三姐弟
雖然我地成日黎彭福, 不過我地都唔覺得悶, 因為從他們臉上的笑容, 已看到一切, 快樂可以好簡單~
Hi, 我叫菲比呀
菲比好鐘意同灰灰玩
菲比咁急去邊呢?
灰灰 : 菲比, 你唔好跑得咁快, 小心剎唔住制呀........
灰灰 : 你睇住我跑呀.......
三水仔件風褸好型仔呀
佢仲好鐘意黎彭福
Dr 布布
菲比媽派零食
菲比 : 悠悠, 等我抱實你, 等你去唔到我mama到攞零食
菲比 : 悠悠, 你食左好耐囉bor, 輪到我未呀 ?
悠悠 : 菲比, 你唔好搞住我啦!!! 我都未食夠!!!
菲比 : 哈哈, 我終於有得食喇
灰灰 : 今日三水ee 教識我give me five呀
原來give me five 有野食架
你睇三水仔幾叻, 企住give me five 呀
輪到baba教壽壽同悠悠
開始攰了.....
好可愛嘅灰女呀
菲比真係好搞笑, 成日撩灰灰, 又鍾意同悠悠玩. 菲比你再同我地玩多幾次就會冇咁驚驚架喇^^
回覆刪除灰女好靚女呀, 不如搵佢做灰灰女朋友啦^^
[三水媽回覆11/28/2011 11:42:36]車, 年齡不是問題啦^^
[壽壽, 悠悠, 灰灰回覆11/28/2011 09:43:44]灰灰 : 三水ee, 灰女大個我灰仔bor......
D相影得好靚呀！可唔可以借來用用呢？菲比果日玩得好開心，下次再同你o地去玩過。菲比抱柔柔果幾張相好得意，加上壽悠灰媽的精彩旁述，真係一流呀！果日唔記得抱住佢o地影相，下次一家要記得呢？...
回覆刪除[烈女菲比回覆11/28/2011 13:19:49]我攞咗d相喇！謝謝壽悠灰媽...哈哈，黑熊仔菲比，不過我有d相就影到菲比成隻黑色兔仔仔到跑咁...
[壽壽, 悠悠, 灰灰回覆11/28/2011 09:47:40]菲比真係好可愛, 成個黑熊仔, 跳跳扎, D 相隨便攞啦, 唔使客氣, 下次一定要再玩過呀~
下次我又要去呀!!! 走堂都要去!
回覆刪除[壽壽, 悠悠, 灰灰回覆11/28/2011 09:47:58]唔緊要, 大把機會啦, 我地定時定候就會去架~
好鐘意見到佢地跑到四腳離地的跑姿，見到佢地開心自己都開心^--^
回覆刪除[壽壽, 悠悠, 灰灰回覆11/28/2011 09:49:27]哈哈, 佢地返到屋企, 攰到要休息2日呀!!!
啲飛狗相真係好靚呢
回覆刪除[壽壽, 悠悠, 灰灰回覆11/28/2011 14:10:14]係呀, 佢地真係飛得好好笑架~
草地就係狗狗心目中ge 地毯,, 爽跑就係佢地開心ge 直接表達
回覆刪除[壽壽, 悠悠, 灰灰回覆11/28/2011 14:11:09]係呀, 佢地每次去彭福就會開心到飛起, 因為無一個地方可以跑得咁 free~
菲比妹好好得意呀~
回覆刪除[壽壽, 悠悠, 灰灰回覆11/28/2011 14:12:56]菲比個真身仲得意呀, 黑ma ma , 成個熊仔look, 著住條裙仔又跑又跳, 可愛到不得了~
芬達：唔知幾時可以見到大家呢?
回覆刪除[壽壽, 悠悠, 灰灰回覆11/28/2011 16:37:29]壽壽 : 唔緊要, 芬達妹, 你俾定你mama星期六日假期我地, mama話可以就一就~
[Jovy N Fanta回覆11/28/2011 16:29:29]芬達：媽咪通常放星期二，星期六日，每月只可以放一次：-(
[壽壽, 悠悠, 灰灰回覆11/28/2011 14:41:29]壽壽 : mama話, 如無意外會12月10日去呀, 之前一星期約你好嗎?
睇住小朋友玩得咁開心，家長當然都開心埋一份啦。
回覆刪除[壽壽, 悠悠, 灰灰回覆11/28/2011 17:09:09]每次去彭福, 大人同小朋友都一樣好開心~
一開始就見到4個小朋友笑得咁開心,果日應該都玩得好開心啦
回覆刪除[壽壽, 悠悠, 灰灰回覆11/28/2011 17:22:31]個日佢地玩得真係好盡興呀
菲比真係有taste去"追"靚仔灰灰 wakakaka，又識搭悠悠膊頭排隊等零食，個個小朋友又學識Give me five真係睇相都知玩得開心！
回覆刪除[壽壽, 悠悠, 灰灰回覆11/29/2011 09:29:40]哈哈, 可能菲比同灰灰異性相吸啦, 灰灰學識 左give me five後, 而家叫佢hand hand, 佢就不斷give me five........ :-( 傻仔灰~
最開心就係見到d小朋友o係草地上, 開開心心奔跑~ ^.^=
回覆刪除[壽壽, 悠悠, 灰灰回覆11/29/2011 12:09:51]係呀, 唔單止見到自己小朋友, 我見到人地嘅小朋友, 都好開心 jack~
今個星期六3/12, 你地會唔會去彭福呀??
回覆刪除[壽壽, 悠悠, 灰灰回覆11/30/2011 12:54:22]我地要10號先得呀．．．．．．．．．．
悠悠 : 菲比, 你唔好搞住我啦!!! 我都未食夠!!!......我笑到卡卡聲呀, 好彩公司附近無人咋
回覆刪除[壽壽, 悠悠, 灰灰回覆12/01/2011 17:21:57]我當時都覺得好好笑，因為菲比攬住左悠悠好耐，而悠悠又掛住食，唔so佢．．．．