第三十一次探訪 - 沙田醫院

我地今日第二次去沙田醫院探訪, 今次探訪對象主要係公公婆婆, 有好多都係長期病患, 雖然佢地臥床已久, 不過佢地都表現得好樂觀好開心.

我相信有病嘅人, 如果肯以樂觀,積極態度去面對, 加上有親人嘅鼓勵, 就算肉體上生病, 精神上都會開心快樂, 短短一個鐘我地已經探左2個病房, 希望下次再黎, 所有公公婆婆都已經出哂院啦.











我地探訪完就一班朋友仔入左西貢飲茶

第二十九次探訪 - 樂富伸手助人協會

8月17日(星期六)

今日我地去樂富探訪, 呢個地方我地已經黎過好多次, 有d 婆婆都認得我地, 所以我地每次黎都好有親切感, 去完探訪, 近近地, baba帶左我地去 This One 行下, 仲遇到好多朋友仔添!

Dr 壽壽報告完畢

第二十八次探訪 - 何文田保良局壬午年耆樂居

6月22日(星期六)



早一日仍然懸掛3號風球, 狂風暴雨, 還擔心今天不能出勤探訪, 感恩一早起身, 竟然陽光普照, 我們出勤探訪亦可以如期進行, 是次探訪共有九位動物醫生, 有好多朋友仔之前已見過面, 今次又可以一起結伴出勤, 實在好開心呢.

愛 可以感動人, 是次探訪, 有位婆婆好怕我地, 原因是她曾被狗抓傷過, 所以不敢接觸我地, 不過經過我地不斷鼓勵, 婆婆終於都嘗試抱我地, 後來仲抱著我地不肯放手呢.

Dr壽壽報告完畢

第二十六次探訪 - 葵興德昌護老中心

4月28日 (星期日)

休息左2個月, 今日我地又踏上探訪之旅, 我地今次去嘅地方係葵興一個護老中心,  雖然中心內每間房面積好細, 不過勝在有獨立廁所, 足不出戶, 也可以擁有有私人空間, 我們遊走每一間房, 探訪每一位長者, 每一家都有一個故事, 有開心有唔開心, 到了探訪最後一家, 時間亦剛剛好, 雖然時間過得好快, 不過心靈好滿足, 期待下一次探訪.

第二十五次探訪 - 香港盲人輔導會

2月23日 (星期六)

今日我地做領隊, 出席動物醫生除左我地三姐弟之外, 仲有約瑟同松鼠, 我地第一次近距離接觸弱聽, 弱視人士, 佢地有d係完全失明, 所以mama要有耐性, 捉住佢地嘅手慢慢摸我地, 並同時形容我地嘅外觀, 仲介紹我地嘅日常生活習慣, 佢地聽得好入神, 仲會有好多問題發問添, 雖然佢地有d係睇唔見, 聽唔到, 不過, 佢地笑容滿臉, 說話亦好有自信, 睇得出佢地對生命嘅積極.

感恩每一天可以張開眼睛看世界, 耳仔可以傾聽不同嘅聲音, 手腳亦活動自如, 可自由自在去唔同嘅地方, 幸福不是必然,  珍惜所擁有的.

2013動物醫生就職典禮

2月3日(星期日)

今日係一年一度動物醫生就職典禮, 我地有幸能夠出席, 表示我地在2012年, 達到探訪出席率及各方面表演均良好, 今日遇到好多曾經一齊出勤過的朋友仔,  我地又可以聚首一堂, 真係好開心.

期望2013年我地更加努力, 將歡樂帶俾有需要的人, 用笑容融化身邊人, 將愛心分享每個角落.

典禮未開始, 趁無咩遊人, 我地行個圈先

有好多野買, 不過我地一樣野都無買

baba, 點解個典禮咁耐都仲未開始架....

好耐無見 Oliva一家

波子同朗朗著哂畢業袍

波子

Zean, Zita, Hachi

家發

Hazel

Cacao

朗朗

卡卡同Moses一家

同燒賣影大合照

朋友仔有份上台攞獎, 因為佢地係去年服務時數多達50小時同100小時

mama, 咁耐都仲未到我地嘅

我等到好眼瞓.....

最後影張大合照

我地陣容真係好龐大