壽壽，悠悠，灰灰之家: 美容保健篇

顯示具有 美容保健篇 標籤的文章。顯示所有文章

2013年1月28日星期一

一年一度驗身日

1月27日(星期日)

今日又係我地一年一度驗身日, baba, mama一早預約醫生幫我地做身體檢查, 到左診所, 醫生幫我地驗血, 不過報告要等個半鐘後先有, 於是我地行左一陣再折返診所睇報告, 報告結果, 我地三個全部合格, 唯獨一項 "血中尿素氨(BUN)稍為高, 標準25, 我地27-30, 醫生解釋呢個係腎功能測試, 如果高出標準, 有2個主因, 一. 飲水少; 二. 攝取過量蛋白質, mama認為攝取過量蛋白質成數比較高, 因為我地每個星期有二餐烚雞肉, 因此醫生建議我地暫時改為一餐, 由於情況輕微, 不算嚴重, 所以不用覆診.

2013年1月20日星期日

喜氣洋洋迎春look

1月18日(星期五)

仲有唔夠3個星期就過年, baba mama一早已經攞左假, 帶我地去剪頭髮, 預備迎接農曆新年.

我地仲做左SPA, 係未唔認得我地呢

2012年11月8日星期四

暖笠笠冬のlook

11月7日 (星期三）

今日我地grooming day，我地12點就入到西貢，baba同我地行左一陣海旁之後，就去搵姐姐剪頭髮，今次mama腍唔到點剪，於是就交俾姐姐決定，放低左我地三個之後，baba,mama就去左沙田食lunch.

到baba返黎接我地時，點知仲未得，原來今日得姐姐一個一腳踢呀，最後我地七點先走，mama係門口等我地時，仲聽到我同悠悠哀鳴聲添．．．

姐姐仲努力緊

終於可以返屋企

壽壽呢個長耳裝好女仔

悠悠雙大眼睛出返黎

灰灰今次似番個男仔

2012年9月14日星期五

初秋の甜蜜姐弟look

9月12日 (星期三)

我地三姐弟係未好似樣呢, 因為我地又剪埋同一個髮型呀!

2012年6月22日星期五

姐弟碌

６月２１日 (美容日)

壽壽悠悠 : baba，mama
放底左我地係Salon後，就去左沙田行街食飯，反到入西貢，　我地都仲未得，佢地2個竟然走左入人地集團嘅Hotel 參觀呀，間Hotel今個禮拜正式開幕,
mama鐘意佢地有24小時服務，住房又有活動間格，可以放哂我地三個同一間住房呀，個叔叔介紹得好詳細，搞到baba, mama都心動動想去旅行呀．．．．

灰灰 : mama話我個波波頭 keep左有半年，不如轉下碌啦，點知一轉，就同2個家姐個髮型一樣．．．．唔知人地會唔會懷疑我係女仔呢?

2012年5月11日星期五

肚痾

今個星期一 (7/5) , 我地放工返屋企, 見到廁板有D唔正常嘅便便, 我地雖然唔知係邊個, 不過應該有八九成係壽壽, 因為佢腸胃不嬲都差, 點知真係無估錯, 當晚半夜壽壽就開始每隔2個鐘就痾.

第二日 (8/5) 我地就帶左壽壽去睇屋企附近醫生, 醫生檢查後, 認為壽壽由舊年開始間歇性肚痾 (病發日期 : 04/11, 12/11, 03/12), 醫生初步診斷為腸胃敏感, 建議轉食敏感糧 (其實對上一次睇醫生, 醫生都有建議我地轉糧), 另外, 我地都攞左壽壽便便俾醫生化驗, 睇下有無寄生蟲, 題外話, 三姐弟每次食杜蟲藥後都會嘔, 已經轉過幾次杜蟲藥, 不過情況依舊, 今次醫生俾左藥水性杜蟲藥同益生菌俾壽壽, 仲有俾左2包sample敏感糧.

當晚半夜, 壽壽仍然持續痾, 到了星期三早上 (9/5), 臨返工前, 發現灰灰都有肚痾症狀, 唯有唔返工係屋企陪佢地, 見情況不妙, 都係帶佢地2個去太平道動物醫院睇, 醫生問我地覺唔覺佢地成日放屁, 因為佢地肚仔好多風, 係消化不良, 醫生睇番壽壽過往病歷後, 第一步要做的, 就要幫壽壽轉食敏感糧同戒食零食三個月, 睇下情況有無改善, 如果呢三個月內無肚痾情況, 就要keep住食處方糧, 仲要同零食 say
goodbye, 但如果仍有肚痾情況, 就要照超聲波, 睇下D腸仔有無事喇… 醫生話可以繼續食番第一個醫生嘅藥,
今次仲有多隻止痾藥一齊食.