改了期的大蛇灣之旅

本來大蛇灣之旅於七月份成團, 可惜因為天氣差唯有取消, 點知8月尾, 朋友仔又再即興吹雞, 臨出發前一天, 仍然落著大雨, 不過船家預計當日天氣良好可以起行. 果然第二天一早天清氣朗, 還有太陽.

9點半已經到達西貢碼頭,  我地一行二十四人, 十八個毛孩,  分2架大飛, 先去糧船灣存放行李, 雖然船程15分鐘, 不過都幾驚險,  大風吹到我地走哂樣, 我地放完行李再坐大飛到大蛇灣.

終於到達有馬爾代夫之稱的大蛇灣, 名副其實, 真係水清沙幼, 雖然沙灘比較細, 不過我地都玩左2個幾鐘, 已經十分盡興呢!  我地一 點半回程並返回糧船灣沖身食海鮮.