生活記趣之爸爸給孩子的信

baba給壽壽的信

壽壽, 多謝你在我生命裡出現, 記得初次與你見面的時候, 已經被你嬌小可愛的身軀吸引了, 最後baba,  mama 決定要俾一個溫暖的家給你, 你便正式成為我家裡的新成員,
從此我平凡的生活, 增添無限歡樂的色彩同時光.

在開始學習照顧你的時候, 每個過程中都好新鮮, 你每個動作同行為, 到現在都印在我腦海中, 與你成長過程中的每分每秒都是珍貴的回憶, 亦因為你, 令我懂得珍惜生命, 尊重生命.

壽壽, 見到你健健康康地成長, baba好安慰, 你永遠都係baba愛女, 願健康快樂常與你同在!

baba給悠悠的信

悠悠, baba第一次見你, 你就在pet shop裡, 靜靜的坐在籠內, 當時我將你抱在手裡, 你雙大眼睛好似在對我說話, 叫我帶你返屋企, 最後我決定帶你回家.

當第二天正式接你回家時, 你呢個2個月大的bb, 居然識得爬籠, 仲不斷吱吱喳喳地叫, 當時真係難以置信, 你性格同壽壽截然不同, 壽壽好靜, 而你就好似過度活躍症無時停, 又黏身, 成個管家婆, 我地一舉一動都要在你視線範圍之內.

 但無論點, 你都係baba個愛女, 永遠愛錫你, 祝願你身體健康, 日日都食得又瞓得.

 

baba給灰灰的信

灰灰, 你知唔知道未有你出現之前, baba曾經遇上一個心儀的灰女, 可惜最後灰女被人收養了, 之後竟又被我遇上你, 當時你只有2個月大, 深黑色一個小粉糰超搞笑.

你細細個已經知你唔簡單, 性格獨立, 活潑開朗, 帶點兒霸道, 男生女相, 個樣得戚到無朋友, 每次帶你去彭福, 你都表現得好開心, 雖然曾經去新地方, 有個一次不愉快的經歷, 但好在你沒有受傷, 所以我相信彭福係你地嘅樂園, 最放心俾你地跑嘅地方, 不過, 你就好喜歡挑戰大狗, 這也是我最擔心的.

灰灰, 你下個月就踏入三歲了, 祝你依然活潑開朗, 繼續得戚, 你要食多d 野, baba會永遠保護你, 唔單止你, 仲有壽壽同悠悠.