今日baba, mama特別請左假, 帶我地去錦田鄉村俱樂部玩, 話同我地渡過一個最嚴寒嘅除夕, 出到街, 竟然一d都唔覺凍, 太陽仲好猛烈添, 我地仲約左好朋友菲比一齊去. 呢個地方唔錯,有一大片草地, 狗狗要收入場費$10, 地方好大, 可以席地野餐之外, 仲可以BBQ.
不過有段不快經歷, 我地遇到一家人(爸, 媽, 小朋友, 加一個菲僱), 當時佢地經過片草地, 灰灰見到佢地就跑左過去, 當時爸爸抱住個小朋友, 個菲僱已經好驚, 不斷推住架BB車衝向呀灰, 想嚇走灰灰, 我當時好擔心, 驚佢用架BB車撞親灰灰, 於是大叫左三聲NO, NO, NO, 我見灰灰不但無驚, 仲好開心圍住佢地跳, 個媽媽竟然想用腳踢開佢, 仲不斷講畜生, 當時我地已經好快抱起左灰灰, 個媽媽仲不斷講灰灰好兇惡想襲擊佢地, 然後一邊鬧一邊行(我當然有用說話回敬番佢)
第一次遇上呢個不快經歷, 好後悔帶佢地黎呢到玩, 令到佢地受到不必要嘅歧視, 仲差點受到傷害, 希望佢地個小朋友日後識得尊重生命, 懂得愛護小動物........
我個樣真係咁兇猛咩????
今日灰灰同菲比特別 friend, 經常2個咬耳仔, 拍住一齊跑
灰灰玩到企哂起身
玩玩下都要除衫, 實在太熱了
有咁嘅父母, 個仔又點會有愛心吖.. 剩係睇個賓妹超級擦鞋反應就知哩啲人點教仔啦... 實在依家嘅年青一代對愛哩個字已經好冷漠... 好在灰灰冇事..如果係我,, 一定還佢一句.... 話畜生嗰個自己仲畜生,冇家教.... 不過經過今次真係要小心.. 因為你同爸爸兩個睇3個好驚走漏眼..
回覆刪除[壽壽, 悠悠, 灰灰回覆01/03/2013 17:53:40]真係覺得好唔開心同累左佢地........其實之後我地都遇另一家人, 佢地不但有愛心仲好有禮貌, 個mama仲同佢小朋友講 : "狗狗係人類嘅好朋友, 我地要愛護佢地", Mui Mui ma, 我地平時好鐘意去彭福玩, 因為去彭福嘅人, 都知道彭福係狗狗樂園, 大人同毛小孩都會尋找到快樂, 最起碼佢地唔會受到歧視
平常心啦! 唔好唔開心, 灰灰只是活潑, 我早已感到我哋愛狗一族是受到歧視的,
回覆刪除新一代父母過份溺愛孩子, 所以很多老師懲罰小朋友後也被家長投訢, 實在無眼睇!
[壽壽, 悠悠, 灰灰回覆01/04/2013 09:07:55]為人父母, 保護自己孩子是應份的, 不過用錯方法, 會影響孩子日後成長
唔好為左D冇家教嘅人唔開心，好彩灰灰冇事咋，有時真係覺得有D奇怪，咁細隻咁可愛嘅狗狗，駛唔駛咁大反應呀！唉！
回覆刪除[壽壽, 悠悠, 灰灰回覆01/04/2013 09:09:27]我都唔明架, 灰灰都係腍住跑去同佢地玩, 點知換來咁樣對待........
呢d渣滓人我近來係迪士尼遇過,個强人細路推住架人坐bb車向住gigi撞去,咁啱gigi落咗地行,我用gigi架車仔擋住,然後駡咗個細路幾句,佢竟然就咁走咗去,
回覆刪除[壽壽, 悠悠, 灰灰回覆01/04/2013 17:13:59]我地無啦啦俾人鬧完, 當堂無哂mood, 最唔開心就係我地無好好保護自己小朋友, 仲俾人不斷臭鬧
灰灰咁靚仔咁可愛，點會嚇人，我就好like 灰灰啦
回覆刪除[壽壽, 悠悠, 灰灰回覆01/04/2013 17:15:26]唔鐘意小動物嘅人, 就算一隻白兔都覺得討厭
一樣米養百養人，那個小朋友在沒有家教中長大，可悲！
回覆刪除[壽壽, 悠悠, 灰灰回覆01/04/2013 17:17:35]可幸我認識的朋友個個都有家教, 希望呢種人永遠離我越遠越好, 唔想再有下一次
唉~ 咪好似我同 dr 去珀麗灣貢囉... 又係起腳!! 好彩灰灰冇事.. 仲可以玩得貢開心啫
回覆刪除[壽壽, 悠悠, 灰灰回覆01/04/2013 22:24:02]佢真係用腳踢, 我同佢死過
遇到Le D事真係有D掃興！不過見到灰灰冇事又玩得咁開心就唔好嬲啦！Le D人咁冇品遲早俾人"炳"又或者遇到D唔好皮氣嘅街狗咬爆佢！
回覆刪除[壽壽, 悠悠, 灰灰回覆01/04/2013 22:23:16]我其實自責多過嬲, 個菲僱不斷推架BB車撞呀灰, 好彩呀灰避到...... 我真係驚菲比跑去咬佢地, 咬到佢地一定報警添呀.....
呢個世界咩人都有，你已經做得好好，唔使唔開心，只要你知道灰灰係開心聊玩就夠，呢D只有同毛小孩生活過先眀白
回覆刪除[壽壽, 悠悠, 灰灰回覆01/07/2013 09:04:32]講得無錯, 只要佢地開心, 唔需要在乎別人眼光
灰灰,你係一個可愛嘅小朋友,唔使理個D無愛心嘅人類講乜
回覆刪除呢D人心理一定有D問題,遲早入青山
[壽壽, 悠悠, 灰灰回覆01/07/2013 09:06:07]而加心情都好多d, 無再耿耿於懷
垃圾家長!!!!!!!
回覆刪除[壽壽, 悠悠, 灰灰回覆01/07/2013 09:05:29]認同
遇到呢啲事真係好唔開心，有啲咁o既大人，都唔慌會教好個小朋友
回覆刪除[壽壽, 悠悠, 灰灰回覆01/07/2013 09:08:10]話佢地係畜牲唔緊要, 佢最錯係話我地襲擊佢地而先發制人..........
其實香港對愛護動物o既教育唔夠，因為連政府都唔支持，連最簡單o既交通配套都唔給予方便，唔通係香港養狗一定要住豪宅，一定要自己有車
回覆刪除[壽壽, 悠悠, 灰灰回覆01/07/2013 09:11:04]愛護小動物, 尊重生命要從小培養, 身為家長都無以身作則, 做小朋友又點識分辨善惡呢!
怪獸家長!!!! 灰灰唔洗驚, 下次帶晉晉BB 同你玩~
回覆刪除[壽壽, 悠悠, 灰灰回覆01/11/2013 09:16:34]我好相信灰灰同晉晉BB, 一定會相處愉快