壽壽 : 今日我地約左 Mocha 千, JaJa 同菲比一齊去沙灘玩呀, 我地咁大個都係第一次去沙灘, baba mama唔識游水, 更加好少去, 所以今日對我地一家人黎講, 係好開心嘅一件事!
悠悠 : D水都算清，不過記得要帶水同我地沖身，因為得咸水，仲有大人要著鞋落水呀，因為水底有好多石架!
灰灰 : 我最唔開心就係無得放繩囉，mama話我係甩繩馬騮喎．．．．．
一早去到，係馬頭附近食個豐富早餐先
JaJa一家
菲比一家
好緊張呀
我就好開心呀
我地11點到, 太陽唔算猛烈，人亦唔多
灰灰: 睇我無哂表情，就知我幾唔想游水啦
又黎大合照, baba 帶左大機影相，不過都唔敢近咁近影，驚趺左部機
灰灰 : 查ee, 你扶穩我, 我有d 驚驚....
菲比著左救生衣, 好sharp
悠悠 : d 水咸咸地, 幾好味wor
Mocha 千 : mama等我錫下細佬先
灰灰 : 你唔好郁黎郁去啦, 隻船就翻喇.....
壽壽 : ee, 你唔好掛住笑啦, 我有D 凍呀．．
灰灰同Mocha千個樣咁 cool 嘅 ?
後面２個大人笑得咁開心，好大對比呀...
我地每人包左一隻船, 似唔似火燒連環船?
灰灰 : Mocha 千, D水咁深, 你睇實我呀....
Mocha 千：你扶穩D, 未得囉
好在查媽有帶防水相機，mama都影到單人相
壽壽 : mama, 我好眼瞓呀...
悠悠 : 我成口成面都係沙呀....
灰灰 : 我都好攰呀
好彩有雞雞食, 補充體力
灰灰同Mocha 千企得都好定，不過灰灰全程叫救命
菲比越游越叻, 抵錫
灰灰 : 我係未好英呢?
灰灰 : 好囉好囉，終於走囉
菲比 : mama, 我游左好耐啦, 我要休息下
沖完涼, 好攰呀...
嘩!好熱鬧! 玩得好開心喎! 灰灰個樣姿勢真係好英喎!
回覆刪除[壽壽, 悠悠, 灰灰回覆07/16/2012 08:55:15]其實一D都唔英, 佢不斷叫救命呀!!!
今日游水好好玩喎，灰悠壽,係咪攰倒訓倒天光呢？
回覆刪除[壽壽, 悠悠, 灰灰回覆07/16/2012 08:55:54]攰死, 琴日足足瞓左一日, 無出街~
浸浸咸水,對小朋友皮膚有益呀
回覆刪除[壽壽, 悠悠, 灰灰回覆07/16/2012 08:56:57]咁, 等我得閒再帶佢地去游下先
mocha 千: 壽悠灰, 你地3個練多啲水先再同我游啦~
回覆刪除[壽壽, 悠悠, 灰灰回覆07/16/2012 10:31:27]壽悠灰 : 人地第一次游沙灘, 算係咁啦......
去啦...去啦.... 夏天去游多啲水水啦
回覆刪除[壽壽, 悠悠, 灰灰回覆07/16/2012 12:49:47]我地會呀, 夏天最佳活動
游水真係好好玩
回覆刪除[壽壽, 悠悠, 灰灰回覆07/16/2012 12:46:54]haha, 大人會享往多d 囉
嘩, 西利, 你地竟然衝出新界區, 去到無雷公咁遠既橋咀島.......勁!!! 勁!!! 勁!!!! (不過話時話, 究竟係邊樹黎架........)
回覆刪除[壽壽, 悠悠, 灰灰回覆07/16/2012 12:45:49]係西貢碼頭再搭15分鐘船就到架喇..
Obi: 我媽媽都唔識游水, 我又冇游過水, 如果你地下次游水可唔可以預埋我呀 ??
回覆刪除[積積回覆07/18/2012 15:04:01]好呀 ... 些些
[壽壽, 悠悠, 灰灰回覆07/18/2012 14:46:20]我住上水, 下次約埋一齊出黎玩啦, 好想見下 Obi
[積積回覆07/18/2012 14:36:34]我住屯門...希望會有機一齊玩啦
[壽壽, 悠悠, 灰灰回覆07/16/2012 14:59:02]灰灰 : 梗係無問題啦, 你住邊區架?
哈哈！壽媽講到菲比好似游咗好耐咁，佢都係游咗幾次，每次十零秒咁大把u_u，唔知我哋下次可唔可以創最多poodle一齊落海妃綠呢？
回覆刪除[壽壽, 悠悠, 灰灰回覆07/17/2012 09:08:47]菲比已經好叻女呀, 起碼無不斷叫救命
佢哋好似唔係好享受游水水咁喎
回覆刪除[壽壽, 悠悠, 灰灰回覆07/17/2012 09:12:32]係架, 不過無辦法, 游水係最消暑活動
Elmo : 灰灰, 我都好like 跑沙灘, 唔 like 游水水, 所以叫媽媽下次帶咇咇波去 .. call 你返呢啦
回覆刪除[小火車回覆07/17/2012 12:50:06]Elmo : 嘻嘻~ 我麻婆就係唔想嗌我, 所以用 call 雞, 我一聽到就即跑回來 ka , 你都" 青下"
[壽壽, 悠悠, 灰灰回覆07/17/2012 12:12:06]灰灰 : Elmo, 個日我都無真正跑過沙灘, 希望下次有機會試下啦..... 仲有 call機我未必收到架, 我要聽到 : "有野食喇", 就會返黎架
灰灰瞓得好得意，塞個頭入去會安全d???
回覆刪除[壽壽, 悠悠, 灰灰回覆07/17/2012 13:51:51]haha, 佢好鐘意塞個頭入去架, 個位啱啱好
放繩真係會走咗去？跑沙都幾好玩，乖乖超Like，不過游水就麻麻地，睇佢三姐弟個樣...又真係唔多enjoy wor
回覆刪除[壽壽, 悠悠, 灰灰回覆07/18/2012 09:06:55]灰灰一放繩, 佢會一支箭跑左去, 走哂全場先會反黎.......
難得去沙灘跑下沙都好嘛 奶茶成日都跑一輪就衝落水架啦
回覆刪除[壽壽, 悠悠, 灰灰回覆07/18/2012 17:18:47]麥皮有進步 good
[奶茶麥皮mami回覆07/18/2012 17:16:29]奶茶: 我鍾意游水架~ 仲會跳過啲浪添~ mami都估唔到我咁鍾意游... 都係前年定上年無意間喺泳池度引到我跳落水執波波開始... 麥皮唔鍾意游... 原本連啲水濕到腳都唔鍾意... 不過今年已經可以行到水濕腳嘅位置啦
[壽壽, 悠悠, 灰灰回覆07/18/2012 15:18:48]灰灰 : 係囉係囉, mama唔俾我跑呀, 驚我走左去.... 奶茶, 你好叻呀自己會衝落水
大人,,小孩都玩得好開心喔
回覆刪除[壽壽, 悠悠, 灰灰回覆07/18/2012 15:19:45]係呀, 不過我覺得大人開心d囉
嘩............壽悠灰全家總動員去沙灘游水 , 仲約埋咁多朋友仔一齊 , 一定玩得好開心呢~!!
回覆刪除[壽壽, 悠悠, 灰灰回覆07/18/2012 16:18:51]第一次帶佢地去沙灘玩, 都真係幾開心~
哈哈！沙灘真係好玩d呀！又可以跑下，游下咁！今個下天可以去多d!
回覆刪除[壽壽, 悠悠, 灰灰回覆07/19/2012 09:15:46]係呀, 希望可以有機會再去啦
沙灘冇咩人bor，真係正～我地上次都係星期日去，好好好多人呀
回覆刪除[壽壽, 悠悠, 灰灰回覆07/22/2012 20:47:28]我地星期六去架, 可能時間早, 所以無咩人, 我地走時(1點), 開始多人...
大人和小朋友都玩得好開心,好滿足的一天!點解灰灰瞓覺要將個頭鑽入去, 果然古靈精怪,佢以為只有佢望到人, 人地望唔到佢呢
回覆刪除[壽壽, 悠悠, 灰灰回覆07/30/2012 10:33:04]佢唔止會鑽個頭, 有時仲會鑽隻手架...........傻仔呀....
大人小朋友都玩得好開心呀, 估唔到你地一家第一次去沙灘玩, 成個夏天可以去多幾次都得呀.
回覆刪除[壽壽, 悠悠, 灰灰回覆07/30/2012 13:38:47]hehe, 我地其實好多地方都未去過架......
果度冇水涼身, 你地3位小朋友..咪要帶好多水?
回覆刪除[壽壽, 悠悠, 灰灰回覆07/31/2012 12:05:36]我地攞左5支750 ML 支裝水去呀...... 重屎人.....