5月1 日
今日係勞動節, 天氣好好, 有太陽, 大部份時間仲涼風陣陣, 近近地, 我地去彭福玩呀, 今次我地無約到朋友仔去, 不過已經撞見好多呢~
首先熱下身先~
跑左一陣, baba就係我地個身淋水散熱
我地又見朗朗啦, 佢住香港區都成日黎彭福玩架
今次由爺爺, 麻麻帶佢黎
朗朗麻麻好錫我地, 成日請我地食野
悠悠 : 你睇我眼神, 充滿了感激呀~
玩玩下, 灰灰發現了稀客呀
悠悠 : 咩黎架, 咬唔咬人架?
灰灰 : 等我問下佢叫咩名先
佢掛住食草, 唔理我地呀
悠悠 : 細佬, 佢爬得好快wor, 我地都係睇定D先...
嚇到彈起
菲比媽參加完Ken仔生日會, 就黎join我地玩
菲比好靚女呀, 扎哂頭髮, 印第安女郎~
小朋友每次見親菲比媽, 都好開心
因為有好多野食囉
遇到茂哩2兄弟
薯餅
King 仔
King 仔 baba又派米呀, 我地今日食得好飽
等我 sit 好先
新相識嘅台灣妹妹, 八個月大咋
仲有5月1日, 1歲生日嘅 Ken 仔
好的式唷...
Ken 仔同壽壽好似樣, 大細版
你地分唔分到佢地呀 ?
咁多小朋友一齊玩，真開心
回覆刪除[壽壽, 悠悠, 灰灰回覆05/02/2012 15:18:07]佢而家唔算大隻, 盾臂龜可以好大隻架~
枱底下的三個小朋友果張相好靚呀！mama都同壽悠留長耳仔紥頭髮啦！
回覆刪除[烈女菲比回覆05/02/2012 18:37:14]佢宜家都好女仔吖！
[壽壽, 悠悠, 灰灰回覆05/02/2012 15:18:57]等我試下幫悠悠紮, 等佢似番個女仔~
三位小朋友, 果個希客, 我地都見過呀, 你地有冇見佢個身有度裂紋呀, 佢DADDY話係佢(唔記得係1歲定2歲果陣時)係三樓跌咗落街, 所以個殼爆咗, 到而家都未埋口架......
回覆刪除[壽壽, 悠悠, 灰灰回覆05/02/2012 16:11:07]咁Dick Dick有無蝦個稀客呀? 我地無留意佢有無裂紋, 佢仲有個貴婦女一齊架~
嘩!! 真係好似樣!!!
回覆刪除[壽壽, 悠悠, 灰灰回覆05/02/2012 17:20:32]Ken仔同壽壽簡直餅印呀~
連龜龜都要出呢抒展根骨
回覆刪除唔約都撞到貢多朋仔, 約埋就不得了..
[壽壽, 悠悠, 灰灰回覆05/02/2012 21:29:22]係呀, 我地每次去彭福, 都撞到朋友仔架
好開心呀~ 5.1 到我病, mocha 又冇得去玩lu............
回覆刪除[壽壽, 悠悠, 灰灰回覆05/02/2012 21:28:35]小心身體呀! mama~
隻龜龜好勁,咁多小朋友圍住都無有怕,悠間地食草!
回覆刪除[壽壽, 悠悠, 灰灰回覆05/03/2012 09:29:36]大隻仔, 隻龜龜真係好大膽架, 完全唔驚我地毛小孩~
下次睇下會唔會見到壽壽,悠悠,灰灰,先，gigi好煩唔肯自已行，兩步就要人抱
回覆刪除[壽壽, 悠悠, 灰灰回覆05/03/2012 09:38:54]Gigi 同壽壽一樣, 都係唔願行, 要抱抱~ 我地成日去彭福架, 睇下下次見唔見到
Ken 仔真係好細隻 , 當然認到壽壽啦................因為佢大隻過Ken 仔呢~!!
回覆刪除[壽壽, 悠悠, 灰灰回覆05/03/2012 09:43:35]hehe, 除左身型, 個樣都好似呢
點解會有隻龜o係到既? 悠悠有冇吠爆佢呀?
回覆刪除[壽壽, 悠悠, 灰灰回覆05/03/2012 15:29:49]隻龜有主人架, 佢仲有隻貴婦添, 相處都好融洽...... 佢地無吠, 不過好好奇囉
壽壽同Ken仔好似樣呀!一樣咁可愛呀!
回覆刪除[壽壽, 悠悠, 灰灰回覆05/07/2012 09:01:58]Ken仔真係細粒到, 驚踩親佢呀