壽壽 : 今日一早, baba, mama就幫我預備行裝, 話約左三水仔去行山wor, 雖然唔知行山點解, 不過天氣咁好, 去邊都會好開心!!!! 到左目的地, 我地就開始我地個行山之旅了, 沿途真係有好多新事物, 等我逐一為大家報導 :
灰灰 : 我地出發了~
灰灰今日好乖, 拖住繩都無嘈, 仲拍住三水仔一齊行
行左一陣要飲水補充體力
我地第一次見猴子, 佢地仲係個路口歡迎我地
沿路有好多樹木為我地遮蔭
hehe, 我開始腳仔軟要baba抱
見到好多紅葉
我地同個水塘好接近呀
行行下, 見到隻牛, 佢企左係條路嘅中央~
我地行行重行行, 又上山又落斜
baba就繼續抱住我
突然，悠悠大叫 "大家唔好行住, 我見到前面有D野 ！！！！！"
mama, 前面有好多小豆釘，咩黎架?
原來係一羣一羣猴子落山，為數不少
大家近距離見到猴子，都異常興奮，尤其係悠悠，不斷吠及想撲向他們
為免悠悠同灰灰衝向猴子羣，baba唯有抱住佢地
我地終於完成左3分之2嘅路程
灰灰真係好叻，行左咁耐都無扭我地抱
最後我地用左3個小時行畢全程
嘩...真係好多馬騮喎
回覆刪除[壽壽, 悠悠, 灰灰回覆01/09/2012 16:27:29]係呀，初初以為得2，3只，好少事, 點知行行下，一大班至馬騮落山wor, 好在佢地無威嚇性，灰灰好鬼醒，一粒聲都無出，係得個悠悠想衝埋去，唔知佢係未以為自已個樣似馬騮，想同佢地玩呢???
no.1 我初衫以為係黑白相, 睇真d .. 係灰灰同地下撞色 Wakakaa 悠悠真大膽, 夠膽吠馬騮, 好彩唔係我家珮珮媽媽, 佢見到會追馬騮ka >.<" 你地都好勁 .. 行晒成個水塘, 再去大隻仔奶茶個飯堂食野, 果個好 welcome 小朋友去, d野食又唔錯, 真係幾正ka ^.<
回覆刪除[壽壽, 悠悠, 灰灰回覆01/09/2012 17:15:59]多謝你提醒，我真係未試過遇到咁大羣馬騮同咁近距離架，而且我都好開心，灰灰無因為上左繩而吠爆我地, 反而全程好安靜 (除左見到同類), 我要再努力d 參考人地個blog, 有咩好地方介紹~
[小火車回覆01/09/2012 16:44:36]啱~ 等佢地見識多d, 亦都等佢地知道, 香港係有好多好靚o既地方^.~ 珮珮係唔識個 " 屎 " 字點寫ka =.=' 除左馬騮 .. 雀仔 .. 果d都好 like 追, 所以好鬼屎曳 ka =.=' D 馬届其實見慣人 & 狗, 唔好比佢地見到d野食, 就其實你有你地行 .. 佢有佢企o係路邊, 又冇咩大問題 .., 我成日都係咁去 ... 都冇發生過事~ 不過當然有馬騮時就上繩 & 抱起好d 囉 ^,^~
[壽壽, 悠悠, 灰灰回覆01/09/2012 16:24:05]hehe, 你叫我地衝出彭福ma, 一係唔行，一行就要行過痛快，wawa, 珮珮媽媽咁夠薑，有D馬騮都幾大隻架，等陣俾佢地追殺都唔知點好，我都好擔心悠悠會吠親佢地，我起勢合埋佢把口囉，真係驚班馬騮會發火架.....間餐廳又真係幾好味，最緊要就係可以同佢地一齊食ma, 值得推介 ^^
但地下太多金了, 下次揀 d 乾淨 d 既山路再行^^
回覆刪除[壽壽, 悠悠, 灰灰回覆01/09/2012 17:18:11]今次真係全靠多謝三水媽帶我地行咋，加上天氣又好，真係好愉快呢～
灰灰你真係好叻啊,行咁耐都冇要爸爸媽媽抱,如果係我行到一半已經想走啦.壽壽睇黎係行得最舒服果個,睇相成日都見到爸爸媽媽抱住.悠悠你好大膽啊,係咁吠d馬騮仔.
回覆刪除[壽壽, 悠悠, 灰灰回覆01/10/2012 08:59:43]你講得無錯, 壽壽係我地咁多人狗中, 最舒服一個~
城門水塘好容易仲牛b , 我之前去兩次都仲好多隻牛b , 記得check 清楚啲手手腳腳呢~!!
回覆刪除[壽壽, 悠悠, 灰灰回覆01/10/2012 09:01:44]我地都有同有佢地check手手手腳腳耳仔, 暫時無發現, 我地下次會留意番, thanks圓咕碌mami 提醒~
風景好靚呀！不過有牛b，又真係要小心d...
回覆刪除菲比﹕下次有得行山記得預埋我呀！我都未行過山...
[烈女菲比回覆01/11/2012 01:45:45]鳴...29號我o地要上堂又無得去行山...
[壽壽, 悠悠, 灰灰回覆01/10/2012 15:22:57]我地下次搵過個乾淨嘅地方同菲比再去過~
[烈女菲比回覆01/10/2012 13:56:33]壽媽，菲比腳仔唔知好翻未呀！佢一出街跑得多就會流血，師父叫腳底毛唔好剪咁短，但我星期六唔記得同寵物店講，所以都未證實到佢流血係唔係沖涼太密，腳底毛剪得太短...菲比話佢有街去唔怕腳仔流血喎！
[壽壽, 悠悠, 灰灰回覆01/10/2012 09:02:48]菲比, 你腳仔好番哂未先? 下次預埋你~
猴子身上好多虱.. 而且好多時都係帶病源頭, 即使家長嘅衫褲都要返屋企即洗...
回覆刪除[小寶回覆01/10/2012 10:12:31]係呀，仲可能有牛蜱。
[壽壽, 悠悠, 灰灰回覆01/10/2012 09:31:48]有呀, 我地有將所有野攞去洗啊!!!
之前我都去過一次城門水塘... 不過一見馬騮即閃... 之後求其搵個營地跑下就算~ 都無行晒~
回覆刪除[壽壽, 悠悠, 灰灰回覆01/10/2012 13:47:59]係呀, 其實我都好怕馬騮, 不過佢地有佢地行, 我地有我地行~
行城門水塘要小心D猴子同牛蜱呀, 佢地兩樣都好惡死架.....
回覆刪除[壽壽, 悠悠, 灰灰回覆01/10/2012 15:58:19]知道, Dick 媽, 我地已經好小心~
嘩, 你地好勇呀~ 成隊馬騮操過黎~悠悠狂爆佢地, 哈哈~
回覆刪除[壽壽, 悠悠, 灰灰回覆01/11/2012 09:04:50]個隊馬騮都有成百幾隻, 佢地操過黎, 我地都係死頂, 儘量唔望佢地!!!! 但係悠您就不斷吠佢地, 抱住佢都要衝落地..... 等陣嘈親D馬騮就不得了.........