祝大家龍馬精神●身體健康

我地三姐弟一齊送兔迎龍, 同大家拜年,

祝各位日日有口福, 心想事成, 身體健康, 龍年行大運!

壽壽 : 祝大家青春常駐, 美麗動人

悠悠 : 祝大家笑口常開, 精神爽利

灰灰 : 祝大家年年有餘, 家肥屋潤

Heart ● Sweet Heart

一切盡在不言中.....

行醫手記 : 第八次探訪 - 拜個早年

1月14日(星期六)

樂富護老院

 

壽壽 : 今日我地出勤, 因為我地要預早同公公婆婆拜年呀, 到左護老院, 見個個長者都精神奕奕黎歡迎我地, 我地都要加倍努力氹佢地開心, 今日遇到Dr 梳乎, 佢依然同細佬灰灰唔啱傾, 希望下次再見時大家可以親一下啦!

完左探訪, 我地就入沙田, 因為約左Dr 布布呀, 佢mama仲送左hand made 新年掛飾俾我地, 多謝哂呀~

仲有一件開心事, 就係我地正式成為動物醫生喇,  黎緊呢一年, 我地要去多D唔同嘅機構, 希望將歡樂帶俾有需要嘅人!!!!

 

Dr 壽壽報告完畢

唔可以將灰灰同梳乎放埋一齊, 因為佢地唔鐘意...

食tea又無我地份....

順便影下新年相~

灰灰掛住睇桃花, 唔望鏡頭

布布mama 送的hand made新年掛飾~

多謝呀~

籠內籠外

壽壽 : 每天晚上, 當mama打開籠子的門, 我們就會自動一個跟一個進入籠內,  間中灰灰會伸長脖子, 看看籠外的一切, 間中悠悠會按捺不住, 企圖爬出籠外, 而我間中也會用手拍打籠子, 嘗試將籠門推開, 不過大部份時間, 我們都會耐心靜候~

 

而baba, mama就在籠外, 忙著執拾好我們的玩具, 清理我們的便便, 抹走梳化及地上的塵, 日日如是, 不知不覺間, 原來我們彼此已經習慣了.

 

等了又等

每日按時按刻, 我們就會圍在門邊等候, 集中視線, 寸步不移, 目的只有一個, 請你放低一天的疲累及不快, 因為我們現在就要給你, 一個熱哄哄的親親及抱抱~