生活記趣之生命因你動聽

每天返工, 放工, 已成不變定律, 生活有喜有悲; 心情時苦時甜, 唯有你們, 使我生活加多一點甜, 成為我生命中不能少的調味品.

身心無論有幾疲累, 我都會帶你們去遊玩; 心情無論有多壞, 只要抱著你們, 就彷彿擁有全世界.

你們可愛的笑容, 已經成為我生活的動力, 你們一舉一動, 已經成為我生活中一部份, 生命因為你們而變得更加動聽.

你的名字我的姓氏

如果你地有睇過壽壽的blog, 就知道我地帶壽壽回家的經過. 因為朋友一早已為她的的狗狗起了名字叫茂茂, 朋友就話不如我們的狗狗叫壽壽啦, 好一對呀茂同呀壽, 都幾得意. 由那天起, 壽壽就有了自己的名字, 不過在家裡我地好少叫壽壽, 通常會叫佢暱稱, 壽妹(Miu)子或者妹(Miu) 子, 我地去動物醫生探訪, 介紹俾公公婆婆認識, 會話  "佢叫壽壽, 長壽個壽", 每次公公婆婆聽到這裡, 都會好受落好歡喜.

為悠悠改名, 都花過一點心思, 當時腦海中有好多個選擇, 例如油油, 柔柔, 由由等等, 起初想用柔柔, 希望佢可以溫柔嫻熟, 斯斯文文, 不過當我地見識過佢爬籠絕技之後, 知道佢身手不凡, 而且仲係一個超級活潑的朱古力女, 柔柔這個名字並不配合佢, 於是我地用了悠悠, 希望佢生活可以悠悠閒閒, 自由自在, 做個開心快活的悠悠.  我地真係無改錯名, 佢真係一丁點兒溫柔都沒有呢!!!!  

灰灰BB的時候, 十足一隻小黑熊, 有朋友曾經提議叫灰太郎, 又或且 silver, 不過腍住2個家姐都係用疊字, 不如簡單D, 就叫灰灰啦, 佢細個時, 有好多人都以為佢係女仔, 所以我地後期都叫佢灰 boy, 等別人可以識別到佢係男仔,   雖然到現在仍然仲有人誤會佢係女仔......

佢地除左自己個名之外, 其實佢地都有好多花名, 例如悠悠叫悠鼠B (因為悠悠細個時, 個樣好似一隻老鼠, wakakakaka), 不過不論叫佢地咩名都好, 只要我地發出聲音, 聽到我地呼喚佢地, 佢地便已經好歡天喜地飛撲過來.

只需要 當天邊海角競賽追逐時

可跟你 安躺於家裡便覺最寫意

只需要 最迴腸盪氣之時

可用你的名字 和我姓氏 成就這故事





從此以後, 無憂無求
故事平淡但當中有你 已經足夠
快樂同樣像你我一對 已經足夠

復活節BBQ

3月30日 (星期六)

連續四日復活節假期, 原本今朝去探訪, 點知主辦單位取消左, 天氣好差又落雨, 以為無得去街街, 好在Mocha千一早約左我地去BBQ, 呢個地方就算落雨都無有怕, 因為有瓦遮頭, 一於早D出發去 cafe影下相跑番轉先 !!!

今日2位大廚






順便慶祝4月之星生日